Author: bashkia gramsh
Nxitoni të regjistroni adresën e banimit
Regjistroni adresën e banimit në #eAlbania ose në zyrën e Gjendjes Civile 
pranë Bashkisë Gramsh.
Ka nisur fushata e ndërgjegjësimi për qytetarët që të regjistrojnë dhe saktësojnë adresën e banimit.
Ky është gjithashtu një detyrim ligjor dhe kusht që të mos vetëpërjashtoheni nga aksesi në shumë shërbime publike. Kudo ndodheni e në çdo kohë mund të aplikoni online nëpërmjet portalit #eAlbania ose duke shkuar vetë në zyrat e Gjendjes Civile.
Bashkia ka një rol të rëndësishëm në këtë proces të domosdoshëm, finalizimi i të cilit sjell përfitime për të gjithë. Regjistri Kombëtar i Adresave idealisht do të jetë burimi i vetëm i saktë dhe i përditësuar për të ditur më në fund se kush banon ku.
#ADRESAIME – Çelësi për të gjitha shërbimet publike
Vazhdojnë aplikimet e bursave për shkollat e mesme profesionale publike.
Të dashur bashkëqytetarë!
Bashkia Gramsh njofton të gjithë nxënësit e klasave të X të shkollave të mesme profesionale, të nxitojnë për aplikimet e bursave për shkollat e mesme profesionale publike.
Afati i aplikimeve është data 10.12.2021.
Ju lutemi, të nxitoni të aplikoni brenda afatit.
Për cdo informacion, drejtohuni 
pranë Bashkisë Gramsh.
Finalja e Volejbollit
Finalja e Volejbollit 
Në kuadër të javës së 
Flamurit, Bashkia Gramsh në bashkëpunim me Këshillin Rinor dhe gjimnazin e qytetit “Shefqet Guzi”, organizuan për 4 ditë rradhazi Kampionatin e Volejbollit ku 8 skuadra zhvilluan ndeshjet midis tyre në pallatin e sportit.
Aktivitete të tilla do të zhvillohen dhe muajt në vazhdim duke i orientuar të rinjtë drejt aktiviteteve sportive, kulturore dhe dijes.
Fshati Siman NJA Skënderbegas
Prej muajsh tashmë jemi maksimalisht
të angazhuar me të gjitha mjetet
për të mirëmbajtur, pastruar dhe hapur rrugë të reja në zonat e thella rurale.
Fshati i radhës në të cilin Bashkia Gramsh po kryen punimet për të hapur rrugën 
është fshati Siman në Njësin Administrative Skënderbegas, një fshat i largët dhe me terren mjaft të vështirë.
Kjo rrugë do i shërbejë disa dhjetra banorëve të këtij fshati si dhe fshatrave të zonës së Skraparit e cila do të lehtësoj komunikimin
me qytetin e Gramshit.
Në nderim të Veteranëve të LANÇ – it
Qëndra Kulturore e Fëmijëve në bashkëpunim me Organizatën e Veteranëve zhvilloi sot aktivitetin “Nderojmë Veteranët e LANÇ – it”
Në nderim të veteranëve, fort të nderuarve Gani Bengu, Alo Qose, Qemal Brace, Nazif Kurti, File Lemnusha u shfaq edhe një dokumentar mbi jetën, aktivitetin e tyre patriotik e shoqëror ndër vite.
Lavdi dhe respekt për të gjithë ata që kontribuan dhe derdhën gjakun e tyre për çlirimin e atdheut
Në fund të aktivitetit u ndan dhe çmimet e ekspozitës 
së fëmijëve të shkollave 9-Vjeçare “Liria në ëndrrat e mia” ku çmimi special iu akordua nxënëses së talentuar Ersa Shtylla.
