Skip to content Skip to left sidebar Skip to footer

Komunitet

Po Punësojmë: Instruktorë Kodimi!

Je i/e pasionuar pas zhvillimit të faqeve në internet dhe dëshiron të fuqizosh gjeneratën e ardhshme të liderëve digjitalë, ashtu si vetja jote? GLOW Code është në kërkim të individëve frymëzues dhe me njohuri në teknologji për t’iu bashkuar ekipit tonë si Instruktorë Teknologjie në Gramsh.

Çfarë kërkojmë:
• Njohuri të mira në HTML dhe CSS (SQL është opsional)
• Aftësi për të ndërtuar një faqe statike në internet
• Aftësi të shkëlqyera në të folurit në publik
• Njohuri të mira të gjuhës angleze
• Të jeni nga bashkia ku zhvillohet një nga kampet tona
• Të jeni të gatshëm/me të punoni për 2 javë (18 gusht – 29 gusht)

Bëhu pjesë e krijimit të një ambienti mbështetës dhe frymëzues për të rinjtë e apasionuar pas teknologjisë. Apliko tani dhe le të ndërtojmë së bashku të ardhmen e Shqipërisë, një rresht kodi në një kohë!

www.glowcode.org/hiring

Share and Enjoy !

Shares

Nxitoni të regjistroni adresën e banimit

Regjistroni adresën e banimit në #eAlbania ose në zyrën e Gjendjes Civile pranë Bashkisë Gramsh.

Ka nisur fushata e ndërgjegjësimi për qytetarët që të regjistrojnë dhe saktësojnë adresën e banimit.

Ky është gjithashtu një detyrim ligjor dhe kusht që të mos vetëpërjashtoheni nga aksesi në shumë shërbime publike. Kudo ndodheni e në çdo kohë mund të aplikoni online nëpërmjet portalit #eAlbania ose duke shkuar vetë në zyrat e Gjendjes Civile.

Bashkia ka një rol të rëndësishëm në këtë proces të domosdoshëm, finalizimi i të cilit sjell përfitime për të gjithë. Regjistri Kombëtar i Adresave idealisht do të jetë burimi i vetëm i saktë dhe i përditësuar për të ditur më në fund se kush banon ku.

#ADRESAIME – Çelësi për të gjitha shërbimet publike

Share and Enjoy !

Shares

Vazhdojnë aplikimet e bursave për shkollat e mesme profesionale publike.

Të dashur bashkëqytetarë!

Bashkia Gramsh njofton të gjithë nxënësit e klasave të X të shkollave të mesme profesionale, të nxitojnë për aplikimet e bursave për shkollat e mesme profesionale publike.

Afati i aplikimeve është data 10.12.2021.

Ju lutemi, të nxitoni të aplikoni brenda afatit.

Për cdo informacion, drejtohuni pranë Bashkisë Gramsh.

Share and Enjoy !

Shares