Bashkia Gramsh u vlerësua me çmimin e parë për projektin më të mirë, në konkursin e projekteve sociale te implementuar në Ballkanin Perëndimor

Bashkia Gramsh u vlerësua me çmimin e parë për projektin më të mirë, në konkursin e projekteve sociale te implementuar në Ballkanin Perëndimor, ku merrnin pjesë disa shtete si Shqipëria, Mali i Zi, Bosnje-Hercegovina, Maqedonia dhe Kosova. Drejtoresha e zyrës së organizatës ASB South East Europe në Kosovë, Dafina Hoxha, dorëzoi cekun me 5000 euro Bashkisë Gramsh, në kuadër të programit “Iniciativa e Dimesionit Social për Integrimin Europian – SDI”.Gjithashtu ajo inkurajoi Bashkinë Gramsh të vazhdojë implementimin e projekteve sociale në mënyrë që të zbehen sadopak pabarazitë dhe të rritet mirëqënia e qytetarëve Gramshiotë.